Ukuthatha isinqumo: Isigaba- 3 soMthetho Osekelayo weNkantolo Yomthethosisekelo, we-1995 Umthetho No.
Ukuthatha isinqumo: Isigaba- 3 soMthetho Osekelayo weNkantolo yoMthethosisekelo, we-1995 Umthetho No.
umbiko ofungelwe' uhlanganisa ukuvuma noma ukudalula okuchazwe esigabeni -7 soMthetho Wobulungiswa boXolo Nezifungo zoKhomishana, we-1963 Umthetho No.
umtholampilo womthetho' uchaza isikhungo sokufundisa izifundo zomthetho abafundi bomkhakha wemfundo yezomthetho eSikhungweni seMfundo Ephakeme eNingizimu Afrika, lokhu kuhlanganisa isikhungo sezomthetho esilawulwa yinhlangano engasebenzeli nzuzo esiza umphakathi mahhala ngolwazi lomthetho, lesi sikhungo sigunyazwe ngendlela ehlonzwe esigabeni -3 (f) soMthetho Wabammeli, we- 1979 (Umthetho No.
ummeli ' uchaza ungoti wezomthetho wasemajajini omukelwe ngaphansi kwesigaba 3 soMthetho Wokwemukelwa Kwabammeli Basemajajini, we- 1964 (Umthetho No. 73 we- 1964) noma ummeli wasemajajini omukelwe ngaphansi kwesigaba- 15 soMthetho Wabammeli, we-1979 (Umthetho No.
Isikhonzi senkantolo' sichaza umuntu oqokwe ngaphansi kwesigaba- 2 soMthetho Wezithunywa zenkantolo, we-1986 Umthetho No.
Imithetho yeNkantolo Ephakeme Yokwedlulisa Izikhalo' ichaza imithetho elawula ukuqhutshwa kwemicimbi yeNkantolo Ephakeme Yokwedlulisa Izikhalo eshicilelwe ngaphansi kweSaziso sikaHulumeni No. R.
No. R. 48 somhlaka -12 Masingana, njengoba sichitshiyelwe.
Noma yimaphi amandla noma igunya loMphathimaJaji eliqukethwe ngaphansi kwale mithetho lingasetshenziswa yijaji noma ngamajaji aqokwe nguMphathimaJaji ngokwale nhloso.
Noma yikuphi ukucaphuna kule mithetho okuqondiswe eqenjini okufanele lisayine umbhalo kuyothathwa njengokuxuba lowo ongummeli walelo qembu kanjalo nemibhalo ethulwa kuNobhala nebandakanya omunye umsebenzi waleyo mibhalo kwamanye amaqembu nokwethula amakhophi angu -25 ayo yonke imibhalo efanele kubandakanya ngemishini yaqoshwa ngendlela ehambisanayo nezinsiza ezingamakhompuyutha asetshenziswa yiNkantolo noNobhala.
Isaziso, imiyalelo nezinye izindlela zokuxhumana ngokwale mithetho ingakhishwa noma ithunyelwe ngeposi elibhalisiwe noma ngesikhahlamezi noma ngenye indlela esebenza ngesithuthi sikagesi. Uma isaziso noma indlela yokuxhumana yethulwe ngendlela yogesi noma ngekhompuyutha, lelo qembu elethula leso saziso noma indlela yokuxhumana kufanele lethule kuNobhala umqulu ophathekayo wesaziso noma wokuxhumana kanye nesitifiketi esisayinwe yilelo qembu esiveza ubufakazi bosuku lesaziso noma bombhalo.
UmphathimaJaji angelula noma yisiphi isikhathi esinqunyiwe esibekwe kule mithetho.
Impikiswano ebhaliwe, izimpendulo neminye imibiko ethulwa enkantolo kufanele icace futhi ihleleke.
Izicelo ziyobhalwa ngokucacile zishiye izikhala ezimbili phakathi kwemigqa, zibhalwe ngomshini ephepheni elingu- A4.
Ngokuhambisana nomthetho- 5, imibandela yomthetho- 4 Wemithetho Yomfaniswano iyosetshenziswa kanye nezichibiyelo ezidingekile lapho kuqhutshwa noma iyiphi inqubo yeNkantolo.
Lwezi kuya 30 Lwezi.
Isimangalo singalalelwa ngaphandle kokulandela isigaba sonyaka uma UmphathimaJaji enquma kanjalo.
Uma usuku olunqunyelwe ukuqala kwesigaba kungelona usuku lweNkantolo, isigaba siyoqala ngosuku olulandelayo lweNkantolo, uma usuku olumiselwe ukugcina kwesigaba sonyaka kungelona usuku lweNkantolo, isigaba sonyaka siyophela ngosuku lweNkantolo olwandulela lolo.
Ihhovisi likaNobhala liyovula ngo 08:30 kuya ku 13:00 liphinde livule ngo 14:00 lize livale ngo 15:30 ngezinsuku zeNkantolo.
Eziwombeni ezingavamile, uNobhala angemukela imibhalo sekwedlule izikhathi zomsebenzi, lokho uyokwenza lapho elayelwe khona yiJaji.
Isaziso sokwedlulisa isikhalo, isinqumo senkantolo sokwedlulisa noma yiluphi udaba enkantolo sivela kwenye noma komunye umbhalo okwaqalwa ngawo izingxoxo eNkantolo ngokulandisa kwale mithetho uyohlelwa ngezinombolo nguNobhala, ngokulandelana kusukela enyakeni owalondolozwa ngawo.
Yonke imibhalo ethulwe kamuva ngaleso simangalo noma kwenye ingxenye eqhubekayo iyobekwa uphawu lwaleyo nombolo yiqembu eliyethulayo futhi ngeke uNobhala ayemukele uma ingakashaywa lolo phawu noma inombolo.
Yonke imibhalo ethulwe kuNobhala ukuze ilondolozwe emqulwini wesimangalo iyogcinwa nguNobhala efayeleni lezimangalo, ngaphansi kwenombolo efanele yaleso simangalo.
Yonke imibhalo ethathelwe emtheshwaneni -1 iyohambisana nenkokhelo yezindleko zenkantolo engu R75,00, lenkokhelo ikhokhwa ngesitembu esithengwa eposini: Uma iqembu limenelisa Unobhala ngomtheshwana -5 ukuthi lihlwempu, inkokhelo yenkantolo ingahoxiswa nguNobhala oyobe eseqobela phansi lesi simo ekhasini lokuqala lombhalo okukhulunywa ngawo.
Iqembu elifisa ukuqala noma ukuphikisa udaba olusezithebeni zenkantolo nelinombono wokuthi lihlwempu noma umuntu othile osebenza egameni lalelo qembu kufanele enelise uNobhala ukuthi ngaphandle kwempahla yasendlini, izingubo zokugqoka nezikhali zokusebenza, lelo qembu alinamafa afinyelela ku -R20 000 futhi ngeke likwazi ukuthola maduzane leyo mali ngomholo eliwutholayo.
Uma kwenziwa amakhophi, inkokhelo enqunywe emtheshwaneni- 6a iyokhokhwa. Amakhophi ombhalo ogciniwe angenziwa yinoma ngubani, inqobo uma enziwa kukhona Unobhala.
a Ngokucelwa yiqembu, Unobhala angenza ikhophi yombhalo wenkantolo uma sekukhokhwe imali yenkantolo ekhokhwa ngokuthenga isitembu sika- R0,50 ikhophi ngayinye egayiwe engu A4 ogcwele noma ingxenyana, uma kukhokhwa omunye u-R1.00 leyo khophi ingagxivizwa ngesiqiniseko sokuthi iwumfanekiso waleyo yangempela umbhalo ofungelwe.
b Imali yasenkantolo ingahoxiswa nguNobhala uma umuntu ehlwempu njengoba kuphawuliwe emtheshwaneni- 4 no 5.
Uma inkantolo ithatha isinqumo esigunyaza noma esinika isiqiniseko sanoma yimuphi umthetho noma umbandela oshayisanayo noMthethosisekelo ngaphansi kwesigaba- 172 soMthethosisekelo, zingakapheli izinsuku ezingu -15 ngemuva kokukhishwa kwesinqumo, Unobhala angathatha izinyathelo zokwenza leso sinqumo sishicilelwe kwiGazethe kazwelonke neyesifundazwe uma leso sinqumo sincikene nomthetho wesifundazwe.
Unobhala uyoshicilela uhlu lwezindaba eziyolalelwa oluyonanyathiselwa ebhodini lezaziso esakhiweni seNkantolo zingakapheli izinsuku ezingu- 15 ngaphambi kokuqala kwesigaba sonyaka ngenhloso yokwazisa umphakathi nokunika ithuba elenele abammele labo abanentshisekelo odabeni.
Imiyalelo eqondene nesimangalo esiqhutshwayo iyokwethulwa nguNobhala emaqenjini athintekayo zingakapheli izinsuku ezinhlanu kukhishwe leyo miyalelo.
a Unobhala uyogcina imibhalo yeNkantolo futhi ngeke avume kube nethile ekhishelwa ngaphandle kwesakhiwo senkantolo.
b Noma yimuphi umbhalo othulwa kuNobhala nowenziwa ingxenye yemibhalo yenkantolo ngeke uhoxiswe unomphela emafayeleni asemthethweni enkantolo.
c Ngemuva kokuphethwa kodaba eNkantolo, noma yimuphi umbhalo woqobo, amaphepha edluliselwe eNkantolo eqhamuka kwenye ayobuyiselwa enkantolo lapho esuka khona.
a Uma kuhlaluka kuNobhala ukuthi iqembu alimmelwe, angedlulisela lelo qembu ehhovisi eliseduzane noma esisebenzini seKhomishani Yamalungelo Esintu, eBhodini Yosizo Lwezomthetho, emtholampilo wezomthetho noma enhlanganweni noma esikhungweni esifanele esinothando noma esizimisele nesinamandla okusiza lelo qembu.
b Uhulumeni noma Unobhala ngeke athwale isibopho sokuhlawula umonakalo noma ukulahlekelwa okusukela osizweni olwethulwe ngaphandle kwenhloso yobubi yilowo Nobhala ngesikhathi esiza lelo qembu kweNkantolo noma ekuqhubeni umsebenzi wokuhlangabezana nesinqumo ngokulandisa kwale mithetho ngesikhathi eluleka ngokomthetho noma ehlanganisa, eqoqa imibhalo yanoma yiluphi uhlobo lwenqubo noma umqulu.
Kunoma yiluphi udaba kuhlangene nokwedlulisa udaba lapho kunengxabano ngesinqumo somthethosisekelo noma ngesenzo sokwengamela noma indlela yokuqhuba noma yophazanyiswa kwesinqumo noma isenzo sokuphatha, noma emibuzweni eqondene nokuhambisana nomthethosisekelo komthetho, kuhlangene nanoma yimuphi uMthetho wesiSishayamthetho noma lowo wesishayamthetho sesifundazwe. Lapho umaziphathe onamandla okwengamela ukuphatha, ukuqhuba nokuphazamisa isinqumo ungaqagulwanga njengeqembu elithintekayo esimangalweni, iqembu eliphonsa inselelo esenzweni esingahambisani nomthethosisekelo noma inqubo noma umthetho siyothatha isinyathelo sokuhlanganyela nomkhandlu othintekayo njengeqembu elifuna ukubamba iqhaza ezingxoxweni, lokhu kuyokwenziwa zingakapheli izinsuku ezinhlanu sifake kuNobhala incwadi lapho sethula khona okokuqala isikhalo sempikiswano mayelana nodaba oluqhubekayo eNkantolo. Asikho isinqumo esichaza leso senzo, inqubo noma umthetho njengesiphambene nomthethosisekelo esiyothathwa yinkantolo kulolo daba ngaphandle kokuba yonke imibandela yalo mthetho isilandelwe ngokugcwele.
Ngaphandle kwesimo lapho Inkantolo noma UmphathimaJaji enquma khona ngenye indlela, akekho umuntu onegunya lokuvela egamele lelinye iqembu kunoma yiluphi udaba oluqhubeka eNkantolo ngaphandle kokuba lowo muntu enelungelo lokuvela eNkantolo ephakeme..
Uma othintekayo eshona noma ephenduka umuntu ongakwazi ukuzimmela noma ukuzenzela lapho kuqhutshwa udaba, isimangalo siyommiswa kuze kufike isikhathi lapho oqokiwe noma omunye umuntu onamandla okuma esikhundleni eseqokiwe ukuze ammele lowo muntu noma iqembu noma kufike isikhathi lapho umuntu othintekayo esekwazi khona ukuzimela.
Lapho umuntu onegunya noma onamandla okummela eseqokiwe ngendlela echazwe ngenhla, ngemuva kokufaka isicelo, iNkantolo inganquma ukuba lowo muntu ogunyaziwe noma onamandla ammele lowo oshonile noma ongasenawo amandla okuzimmela.
Ngemuva kokufaka isaziso emaqenjini wonke athintekayo, noma ngubani onelungelo lokubamba iqhaza njengeqembu noma onesibophezelo sokwenziwa ingxenye yeqembu odabeni angafaka isicelo sokungenelela udaba njengeqembu, lokhu angakwenza noma ngasiphi isikhathi ekuqhubekeni kwesimangalo. Ekutholeni lesi sicelo, Inkantolo noma UmphathimaJaji angathatha isinqumo esihlanganisa isinqumo ngezindleko nokukhipha umyalelo ongaholela kwinqubo eyolandelwa maqondana nesimangalo, kuye ngesimo ngasinye.
Awadingi ukulondolozwa efayeleni amandla ommeli kodwa igunya lommeli lokuthatha isinyathelo egameni lomunye umuntu lingaphikiswa ngesaziso uma zingakapheli izinsuku ezingu 21 iqembu lazile ngenhloso yokuthi ummeli uzovela egameni lothile noma uma iqembu eliphikisayo lithola imvume yeNkantolo ngemuva kokwethula ubufakazi balo ngaphambi kokuphuma kwesinqumo, isicelo salolu hlobo seqembu elithile siyokwenza ukuba ummeli angabe esaba negunya lokuqhubeka ngaphandle uma amandla akhe ethulwa kuNobhala zingakapheli izinsuku ezingu 21 kuphume leso saziso.
Wonke amandla ommeli noma igunya lokuthatha isinyathelo elinikiwe liyosayinwa yiqembu noma yilowo olimmele, ngale kwalokho, liyoba semthethweni futhi libophezele ngokomthetho.
Awekho amandla ommeli noma igunya lokuthatha isinyathelo eliyodingeka kunoma ngubani osebenza egameni likaHulumeni.
Ngemvume yawo wonke amaqembu athintekayo odabeni oluphambi kweNkantolo ekhishwe ngaphambi kwesikhathi esinqunywe kumtheshwana 5, nangokuhambisana nale mithetho, noma ngubani onentshisekelo odabeni oluthile olusezithebeni zenkantolo angavunyelwe ukubamba iqhaza njengomuntu ofuna ukuhlanganyela odabeni inqobo uma ezohambisana nemigomo kanye nemibandela, amalungelo namagunya okuvunyelwana ngawo ngokubhalwe phansi nawo onke amaqembu athintekayo noma ngendlela enqunywe nguMphathimaJaji ngokulandisa komtheshwana 3.
Imvume ebhaliwe ephawulwe emtheshwaneni 1 iyothulwa kuNobhala zingakapheli izinsuku ezinhlanu itholiwe ngokunjalo ofuna ukuba yingxenye yodaba kufanele engezele ngokuhambisana nezikhathi ezibekiwe ukuze kwethulwe impikiswano ebhalwe phansi.
UmphathimaJaji angachibiyela imigomo, imibandela, amagunya namalungelo okuvunyelwene ngayo naphawulwe emtheshwaneni 1.
Uma imvume ebhaliwe neqondwe emtheshwaneni 1 ingatholakalanga, noma ngubani onentshisekelo odabeni oluphambi kwezithebe zenkantolo angafaka isicelo kuMphathimaJaji ngenhloso yokwemukelwa njengomuntu ofuna ukubamba iqhaza, UmphathimaJaji angakhipha imvume evuna isicelo ngaphansi kwemibandela namagunya kanjalo namalungelo nemigomo eliyibona ifanele.
Uma zingabekiwe izikhathi emiyalelweni odabeni olusezithebeni zenkantolo, kuyokwenziwa isicelo esihambisana nemibandela yomtheshwana 4, lesi sicelo siyofakwa zingakapheli izinsuku ezinhlanu ngemuva kokwethulwa kombiko obhaliwe wommangalelwa noma sekwedlule leso sikhathi sokwethula imibiko.
c siyokweneka kusenesikhathi imibiko eyothulwa ngumuntu ofuna ukuba yingxenye yodaba, ukubaluleka kwayo mayelana nodaba olusezithebeni zenkantolo nezizathu zakhe zenkolelo yokuthi umbiko othulwayo uyoba wusizo eNkantolo nokuthi kungani wehlukile kuleyo ethulwe ngamanye amaqembu.
Umuntu ofuna ukuba yingxenye yodaba enkantolo unelungelo lokwethula impikiswano yakhe ebhaliwe, inqobo uma leyo mpikiswano ebhaliwe ingaphindaphindi udaba noma impikiswano evele seyethuliwe enkantolo ngamanye amaqembu kanjalo inosizo oluqubula impikiswano noma umbono omusha nongaba wusizo Enkantolo.
Ngokuhambisana nomthetho- 31, ofuna ukuba yingxenye yodaba olusenkantolo uyonikwa ithuba elihambisana kuphela nombhalo wokwedlulisa isikhalo noma emaqinisweni asembhalweni anobufakazi obutholwe kolunye udaba oludingidiwe, kanjalo ngeke enze noma ethule impikiswano yomlomo..
Isinqumo sokunika ithuba lokwemukelwa njengomuntu oyingxenye yodaba oluqhubekayo enkantolo siyochaza isikhathi okufanele kwethulwe ngaso impikiswano ebhaliwe yalowo onentshisekelo noma olunye udaba oluqondene.
Isinqumo seNkantolo esibhekene nezindleko singashaya umbandela wokukhokha izindleko ezithwalwe noma eziwumphumela wokuphazamisa nokungenelela komuntu ofuna ukuba yingxenye yodaba olusenkantolo.
Imibandela yomthetho- 13 iyosebenza nalezo zinguquko ezifanele kumuntu ofuna ukuba yingxenye yodaba olusezithebeni zenkantolo.
Ngaphandle uma kuhlinzekwe ngenye indlela, le nqubo iyosebenza kuzo zonke izicelo noma ziqonde yiphi inhloso, kuhlanganisa a udaba oluhlonzwe esigabeni- 1674a soMthethosisekelo, b ukuthola imiyalelo yenkantolo, leso sicelo siyofakwa ohlwini lwesaziso sokufisa ukuthatha isinyathelo, siyophelezelwa wumbiko ofungelwe maqondana namaqiniso ayisisekelo sesicelo somuntu ofuna uzwelo kanjalo siyochaza ikheli [elisendaweni ebuqamama obungaphansi kwamakhilomitha angu -25 ukusuka ehhovisi likaNobhala] elichaza indawo nekheli lokuposa elihambisana nesikhahlamezi, inombolo yocingo nekheli le e-mail uma likhona lapho ofaka isicelo eyothola noma emukele khona isaziso nezincwadi zasenkantolo, zingakapheli izinsuku ezihlanu ngemuva kwesicelo sofuna ukuba yingxenye, uyotshela oziphendulelayo ngesinyathelo somuntu noma seqembu elizimisele ukungenela udaba ngokunjalo kufanele oziphendulela asho ukuthi unayo yini inhloso yokuphikisa leso sinyathelo, uma ingekho inhloso ebhaliwe, Unobhala uyocelwa ethule udaba phambi kweJaji Elikhulu ukuze idingidwe ngokomtheshwana- 4.
Uma kufakwa isicelo sozwelo siqondiswe kunoma ngubani, emkhandlwini, kuhulumeni, ezikweni likahulumeni noma emnyangweni noma lapho kunesidingo noma kufanele ukwethula esinye sesaziso sesicelo esichazwe ngenhla okuqondiswe kuso emtheshwaneni- 1, isaziso sesinyathelo siyobhekiswa kuNobhala nalabo abathintekayo abachazwe ngenhla, sichaze leyo mininingwane, ehlanganisa ikheli lendawo, isikhahlamezi, inombolo yocingo nekheli le e-mail uma likhona eqenjini ngalinye okufunwa kulo uzwelo, amakheli okuxhumana nalawo maqembu, kungenjalo isaziso nezincwadi ziyobhalelwa uNobhala, isicelo siyobhalwa sihambisane neFomu- 1 noma- 2, kuye ngesimo ngasinye.
zingakapheli izinsuku ezingu- 15 zokwethula inhloso yokuphikisa isicelo sokungenela udaba, ummangali kufanele ethule inhloso yokuphikisa udaba ehambisana nombiko ofungelwe wokuziphendulela uma ukhona, uhambisane neminye imibhalo efanele yobufakazi engabandakanya eminye imibhalo efungelwe yokwesekela isizathu.
b Ofake isicelo angethula impendulo efungelwe zingakapheli izinsuku ezingu- 10 ethole incwadi noma imibhalo efungelwe ephawulwe endimeni aii.
c i Uma isaziso sokuphikisa singakhishwanga noma impendulo efungelwe ngokulandisa kwendima aii ingafakwanga ngesikhathi esichazwe endimeni aii, Unobhala angedlulisa isicelo kuMphathimaJaji zingakapheli izinsuku ezinhlanu ngaphambi kokuphela kwesikhathi esinqunyiwe.
Uma impendulo efungelwe yethuliwe, Unobhala uyothula isicelo phambi koMphathimaJaji zingakapheli izinsuku ezinhlanu kutholwe impendulo efungelwe noma uma ingekho impendulo efungelwe zingakapheli izinsuku ezinhlanu ngaphambi kokuphela kwesikhathi esinqunywe endimeni b.
d Uma ekhipha imiyalelo ngaphansi komtheshwana- 4, UmphathimaJaji angavumela eminye imibiko efungelwe.
Uma isicelo sethulwa phambi koMphathimaJaji ngaphansi komtheshwana- 3c, uyokhipha umyalelo wendlela okufanele isicelo sidingidwe ngayo, ikakhulu incazelo yokuthi udaba luyolalelwa noma iyodingidwa ngokwempikiswano ebhaliwe noma kuyobhekwa isifingqo sayo ngokuthathela elwazini oluqukethwe yimimbiko efungelwe.
Ezimweni eziphuthumayo, UmphathimaJaji engachezukanga kancane emaphepheni nasendleleni yokusebenza ehlinzekwe kule mithetho, akhiphe nemiyalelo yodaba okufanele idingidwe ngesikhathi esithile nangendlela ehambisana naleyo nqubo eyohambisana ngokuyikho nale mithetho.
Ngesaziso sokuthatha isinyathelo, isicelo esenziwe ngaphansi komtheshwana- 1 kufanele siphelezelwe wumbiko ofungelwe ochaza ngokucacile isimo esivuna ukuchezuka kwinqubo evamile.
Impikiswano ebhaliwe iyothulwa ngesikhathi esifanele. Iyoqukatha ithebula lokuqukethwe nethebula lemikhandlu ethintekayo lapho iyochazwa khona ukuthi itholakala kumaphi amakhasi embhalweni lapho icashunwe khona.
a Impikiswano yomlomo kuyoba yileyo ngeqondene nodaba olwethulwe phambi kweNkantolo kanti isikhathi sayo siyoncika emgamwini wesikhathi esinqunyiwe, kuye ngegunya nokubona koMphathimaJaji.
b Amaqembu ayothatha ngokuthi wonke amajaji ayifundile impikiswano ebhaliwe ngokunjalo nokuthi asikho isidingo sokuphinda lokhu okuvele kwethulwe kuleyo mibhalo.
a Impikiswano ingaqondiswa eNkantolo nganoma yiluphi ulimi olusemthethweni kanti iqembu elithintekayo alinasibophezelo sokuhlinzeka ngomhumushi.
b Uma umuntu efuna ukukhuluma neNkantolo ngolimi olusemthethweni ngaphandle kwalolo okubhalwe ngalo impikiswano yakhe, lowo muntu kufanele akhiphe isaziso asiqondise kuNobhala lapho echaza khona isifiso sakhe sokusebenzisa olunye ulimi olusemthethweni, kummele aluchaze lolo lulimi. Isicelo siyofakwa kusasele okungenani izinsuku eziyisikhombisa ngaphambi kokulalelwa kodaba yinkantolo.
Ngesinyathelo senkantolo ngokwayo noma ngesicelo seqembu elilodwa noma ngaphezulu, Inkantolo inganquma ukuba izimangalo ezimbili noma ngaphezulu ezibandakanya umbuzo owodwa noma ezibonakala zencikene ukuba zidingidwe njengesigameko noma ngesimangalo esisodwa noma zidingidwe ngaphansi kwezimo nemigomo engase inqunywe ngokwaleso simo.
Ukwedluliswa koMthethosivivinywa ngaphansi kwesigaba- 794b noma -1212b koMthethosisekelo nguMongameli wezwe laseNingizimu Afrika noma nguNdunankulu wesiFundazwe, kuye ngesimo ngasinye kuyokwenziwa ngendlela ebhaliwe futhi kuyoqondiswa kuNobhala noSomlomo Wesishayamthetho sikaZwelonke kanye noSihlalo woMkhandlu kaZwelonke weziFundazwe noma kuSomlomo wesiShayamthetho sesiFundazwe esithintekayo, kuye ngesimo ngasinye.
c izizathu noma izinsolo zemicabango kaMongameli noma uNdunankulu wesiFundazwe.
Amaqembu ezombusazwe ammelwe eSishayamthetho sikaZwelonke noma esiFundazweni esithintekayo, kuye ngesimo ngasinye anelungelo lokwenza iziphakamiso ezibhaliwe neziqondene nodaba, inqobo uma zethulwe ngesikhathi esinqunywe emiyalelweni ebekwe emtheshwaneni -4.
b ukubiza zonke izinhlangothi zamaqembu ezombusazwe anentshisekelo kwiSishayamthetho sikaZwelonke noma esiFundazweni esithintekayo abafisa ukwenza njalo ukwethula iziphakamiso zabo ezibhaliwe ngoba zibalulekile ekunqumeni udaba ngaphambi kokuphela kwesikhathi esinqunywe kule miyalelo, kuye ngesimo ngasinye.
Isicelo esenziwe ngaphansi kwesigaba -801 no -1221 soMthethosisekelo emalungeni Omkhandlu kaZwelonke noma isiShayamthetho sesiFundazwe siyokhishwa ngesaziso senhloso yokuthatha isinyathelo siphelezelwa wumbiko ofungelwe ngezizathu eziyisisekelo zalokho ummangali afuna ukuncika kukho ngesikhathi sokulalelwa kodaba, lesi sicelo siyothulwa kuNobhala futhi sinikwe uSomlomo Womkhandlu kaZwelonke, uma kudingekile noSihlalo woMkhandlu kaZwelonke weziFundazwe noma uSomlomo wesiShayamthetho esithintekayo, kuye ngesimo ngasinye.
Isaziso siyocela uSomlomo, uma kufanele uSihlalo Womkhandlu kaZwelonke weziFundazwe azise ngokubhaliwe wonke amaqembu ezombusazwe ammelwe ngesicelo endlini efanele noma esishayamthetho zingakapheli izinsuku ezinhlanu ethole leso sicelo.
Isicelo esiphawulwe emtheshwaneni -1 siyophelezelwa yisitifiketi esikhishwe nguSomlomo weSishayamthetho esichaza ukuthi isigaba -802a noma isigaba- 1222a soMthethosisekelo senelisiwe, kuye ngesimo ngasinye.
d ithuba elifunywayo lokukhululwa, kuhlanganisa ithuba lesikhashana.
a Noma yiliphi iqembu lezombusazwe esishayamthetho esithintekayo noma uhulumeni ofisa ukuphikisa isinqumo senkantolo esifunywayo ngaphansi kwesicelo liyokwazisa uNobhala ngokubhaliwe ngenhloso yokuphikisa zingakapheli izinsuku ezingu- 15 sethuliwe leso sicelo, esazisweni liyoqoka ikheli lapho lelo qembu noma uhulumeni eyokwemukela khona isaziso namaphepha afanele odaba oluqhutshwa enkantolo.
b Uma leso saziso sikhishiwe, isicelo siyoqhutshwa ngendlela ehambisana nemibandela yomthetho- 11.
b ukuba wonke amaqembu ezombusazwe esiShayamthetho sikaZwelonke noma esiFundazweni esithintekayo nabafisa ukwenza njalo bethule iziphakamiso ezibhaliwe ababona zifanele ekunqumeni udaba, singakedluli isikhathi esimiswe kuleyo miyalelo.
Unobhala wenkantolo ekhiphe isinqumo sokungahambisani kwesenzo nomthethosisekelo njengoba kuhlonzwe esigabeni -172 soMthethosisekelo uyothula kuNobhala weNkantolo ikhophi yaleso sinqumo zingakapheli izinsuku ezingu -15 ngemuva kokukhishwa kwaleso sinqumo.
Umuntu noma umnyango kahulumeni onelungelo nofisa ukwedlulisa isikhalo sokuphikisa leso sinqumo ungafaka isicelo sokwedlulisa udaba kuNobhala kanye nekhophi idluliselwe kuNobhala wenkantolo eyenze isinqumo ngokuhambisana nemibandela yesigaba- 1722d soMthethosisekelo, emuva kwalokho udaba luyophethwa ngokulandela imiyalelo enqunywe nguMphathimaJaji kodwa isicelo kufanele senziwe zingakapheli izinsuku ezingu -15 inkantolo ithathe leso sinqumo.
Esazisweni sokwedlulisa isikhalo, ummangali uyobeka ngokucacile izizathu zesikhalo, akhombise amaqiniso noma umthetho okuphikiswa ngawo isinqumo noma okufanele ngabe ulandelwe noma ubhekelwe ngaphambi kokuthatha isinqumo.
Umuntu noma umnyango kahulumeni onelungelo noma onesifiso sokufaka isicelo sesiqiniseko sesinqumo ngokulandisa kwesigaba -1722d soMthethosisekelo uyofaka isicelo sokuthola isiqiniseko kuNobhala edlulisele ikhophi kuNobhala wenkantolo eyenze leso sinqumo, emuva kwalokho udaba luyophethwa ngokulandela imiyalelo enqunywe nguMphathimaJaji kodwa isicelo kufanele senziwe zingakapheli izinsuku ezingu- 15 ngemuva kokukhishwa kwaleso sinqumo.
Uma isaziso noma isicelo esihlonzwe ngaphansi komtheshwana- 2 no- 4 ngokulandelana singethulwanga ngesikhathi esinqunyiwe, udaba lwesiqiniseko sesinqumo sokungahambisani kwesenzo nomthethosisekelo luyophethwa ngokulandela imiyalelo ekhishwe wuMphathimaJaji.
Usomlomo weSishayamthetho sesiFundazwe esiphasise noma esichibiyele umthethosisekelo ngaphansi kwezigaba- 142 no -1442 zoMthethosisekelo nofisa ukuba lowo mthethosisekelo noma izinguquko zawo ziqinisekiswe yiNkantolo uyofungela ngokubhaliwe ingqikithi yomthethosisekelo noma izichibiyelo eziphasiswe yisishayamthetho sesifundazwe bese ethula eNkantolo ngesicelo esisemthethweni lowo mthethosisekelo noma izichibiyelo zomthethosisekelo ngokulandisa kwesigaba- 144 soMthethosisekelo.
Isitifiketi esihlonzwe emtheshwaneni- 1 siyobandakanya umbiko ochaza ukuthi umthethosisekelo noma isichibiyelo somthethosisekelo saphasiswa yisibalo seningi elidingekayo.
Noma yiliphi iqembu lezombusazwe elimelwe yisishayamthetho sesifundazwe siyoba nelungelo lokumelwa kwinkulumo mpikiswano yomlomo eNkantolo, inqobo uma lelo qembu lezombusazwe lingase licelwe ukwethula isiphakamiso esibhaliwe eNkantolo ngaphambi kokuqala kwenkulumo mpikiswano yomlomo enkantolo.
c isinqumo esilawula ukuthi konke okwethulwe ngombhalo ngokusho kwendima- b, kufanele kwaziswe amanye amaqembu ezombusazwe esishayamthetho sesifundazwe ngendlela UmphathimaJaji abone ifanele.
Isinqumo seNkantolo esikhishwe ngaphansi kwesigaba -144 soMthethosisekelo singaqagula imibandela yomthethosisekelo wesifundazwe noma izichibiyelo zomthethosisekelo, uma zikhona ezihambisanayo noma eziphambeni noMthethosisekelo.
Isicelo sokufinyelela ngqo esihlonzwe esigabeni -1676a soMthethosisekelo siyothulwa ohlwini lwesaziso sokuthatha isinyathelo kanti siyosekwa wumbiko ofungelwe oyoneka wonke amaqiniso ayisisekelo nembangela yesicelo.
c isinqumo sokuthi udaba lungadingidwa yiNkantolo ngaphandle kokulalela ubufakazi bomlomo, uma ingeke ikwazi, d indlela yokuthola ubufakazi nokusombulula ukushayisana kwamaqiniso.
Wonke umuntu noma iqembu elifisa ukuphikisana nesicelo liyokwazisa ngokubhaliwe ofake isicelo noNobhala ngenhloso yokuphikisana nesicelo, zingakapheli izinsuku ezingu- 10 ngemuva kokuba sifakiwe leso sicelo.
Ngemuva kokutholwa nguNobhala kwesaziso senhloso yesinyathelo sokuphikisa, noma lapho isicelo sitholwe sekwedlule isikhathi esibekiwe, udaba luyophothulwa ngokulandela imiyalelo ekhishwe nguMphathimaJaji , imiyalelo ingabandakanya a umyalelo wokwethula eNkantolo iziphakamiso ezibhaliwe kulabo abaziphendulelayo ngesikhathi esithile ngenhloso yokuthola uvo lwabo ngokunikwa kwemvume yokufinyelela ngqo okuceliwe; noma b umyalelo okhomba ukuthi azidingeki iziphakamiso ezibhaliwe noma imibiko efungelwe.
Izicelo zokufinyelela ngqo zingadingidwa ngokufingqiwe ngaphandle kwenkulumo-mpikiswano yomlomo noma ebhaliwe ngaphandle kwaleyo equkethwe esicelweni uqobo. Inqobo uma lowo oziphendulelayo eyichazile inhloso yesinyathelo sokuphikisa ngokulandisa komtheshwana- 3, isicelo sokufinyelela ngqo siyokhishwa kuphela ngemuva kokuhambisana nemibandela yomtheshwana -4a.
Inqubo ethulwe kulo mthetho iyolandelwa ngesikhathi kwenziwa isicelo sethuba lokwedlulisa isikhalo eNkantolo lapho isinqumo ngodaba lomthethosisekelo ngaphandle kwesinqumo esithinta ukungahambisani nomthethosisekelo esichazwe esigabeni -1722a soMthethosisekelo sikhishwe ngenye yezinkantolo, kuhlanganisa Inkantolo Ephakeme Yokwedlulisa Izikhalo, akukhathalekile ukuthi Umongameli usenqabile isicelo sethuba elejwayelekile noma elehlukile lokwedlulisa udaba.
Obefaka isimangalo ozizwa ehlukumezekile ngesinqumo senkantolo nofisa ukwedlulisela enkantolo ngqo isikhalo ngesinqumo mayelana nodaba lomthethosisekelo, uyokwethula kuNobhala isicelo sethuba lokwedlulisa isikhalo zingakapheli izinsuku ezingu- 15 siphumile isinqumo esiwumsuka wempikiswano, futhi uyokwazisa wonke amaqembu athintekayo odabeni ngenhloso yakhe yokwedlulisa udaba: Uma Umongameli weNkantolo Ephakeme Yokwedlulisa Izikhalo esenqabile isicelo sethuba lokwedlulisa isikhalo, isikhathi esinqunywe kulo mthetho siyoqala ngosuku lwesinqumo sokwenqaba ukunika ithuba.
umphumela waleso sicelo, uma waziwa ngesikhathi sokufaka isicelo eNkantolo.
a Zingakapheli izinsuku ezingu- 10 kusukela osukwini okufakwe ngalo isicelo njengoba kuphawulwe emtheshwaneni -2, oziphendulelayo angaphendula ngokubhaliwe lapho echaza khona ukuthi siyaphikiswa yini isicelo sethuba, uma kunjalo izizathu zokuphikisa isicelo.
b Impendulo iyosayinwa yilowo oziphendulelayo noma ummeli wakhe.
a Oziphenduleleyo ofuna ukufaka isikhalo esilwisana nesinye esifakwe eNkantolo ngodaba lomthethosisekelo uyosethula kuNobhala zingakapheli izinsuku ezingu- 10 kusuka osukwini okufakwe ngaso isicelo ngokulandisa komtheshwana- 2.
b Imibandela yale mithetho eqondene nokwedlulisa izikhalo iyosebenza iphelezelwa yizinguquko ezifanele kuzo zonke izimo zezikhalo eziphikisa izikhalo ezethuliwe.
a Inkantolo iyonquma ukuthi kufanele yini yemukele isicelo somuntu ofuna ukwedlulisa isikhalo.
b Izicelo zemvume yokwedlulisa isikhalo zingadingidwa ngokufingqiwe ngaphandle kokuthola impikiswano yomlomo noma ebhaliwe ngaphandle kwaleyo equkethwe esicelweni uqobo.
c Inkantolo ingakhipha isinqumo sokuthi isicelo sokwedlulisa isikhalo sihlalelwe ngenhloso yokuqhuba impikiswano ngaso nokunquma ukuthi impikiswano yamaqembu ingadingidi nje kuphela umbuzo wokuthi isicelo sokwedlulisa isikhalo kufanele semukelwe yini kodwa nokubheka isimo sonke somsuka wengxabano. Imibandela yomthetho- 20 iyosetshenziswa kwinqubo eyolandelwa kanjalo kwenziwe nezinguquko ezifanele.
a Ummangali uyolungisa, ethule umbhalo wesikhalo kuNobhala singakapheli isikhathi esinqunywe nguMphathimaJaji emiyalelweni yakhe.
b Ngokuhambisana nemibandela yomtheshwana c ngezansi, umqulu wesikhalo uyobandakanya isinqumo senkantolo esiwumsuka wesikhalo kanjalo nayo yonke imibhalo efakwe ngamanye amaqembu kuleyo nkantolo nabo bonke ubufakazi obubalulekile nobuyingxenye yodaba okufanele luphethwe.
c i Amaqembu ayozama ukufinyelela esivumelwaneni ngalokho okufanele kufakwe embhalweni, uma kungekho ukufinyelela esivumelwaneni, ofake isikhalo uyokwethula isicelo kuMphathimaJaji ngenhloso yokuthola imiyalelo efanele mayelana nokuhlanganisa umbhalo wolwazi olufanele.
Leso sicelo siyokwenziwa ngokubhaliwe futhi siyochaza uhlobo lwengxabano phakathi kwamaqembu mayelana nokuhlanganisa umbhalo wobufakazi nezizathu zempikiswano yomuntu odlulisa isikhalo.
Oziphendulelayo angethula ngowakhe umbiko ophawula izizathu zesakhe isimo zingakapheli izinsuku ezingu -10 enikwe umbiko wenhloso yokwedlulisa udaba.
UmphathimaJaji angehlukanisela ijaji elilodwa noma ambalwa isicelo sokwedlulisa udaba nokuyiwona angadingida udaba olusemaphepheni noma oludinga ukuba amaqembu avela phambi kwawo ngosuku olubekiwe ngenhloso yokususa inkulumo-mpikiswano yokubunjwa kombhalo.
v Ijaji noma amajaji aqokelwe udaba ayokhipha imiyalelo eqondene nokubunjwa kombhalo, isikhathi okufanele wethulwe ngaso umbhalo kuNobhala nezinye izinto ezibonwe yiwo njengezibalulekile ukuze Inkantolo ikwazi ukudingida udaba lwesicelo sokwedlulisa isikhalo, le miyalelo ingabandakanya ukuba udaba luphindiselwe enkantolo ukuze kuxilongwe kabusha ubufakazi obusha obuchazwe emiyalelweni noma kwethulwe ubufakazi obusha phambi kweNkantolo ngokufakazi obufungelwe noma kwenziwe ngenhloso yokwedlulisa isikhalo.
a Eyodwa yamakhophi ombhalo enikwe uNobhala iyoqinisekiswa njengeyiqiniso nguNobhala wenkantolo lapho kufake khona isicelo sokwedlulisa isikhalo.
b Amakhophi ombhalo ayobhalwa ngomshini ngendlela ecacile ephepheni elingu -A4, ngombhalo omnyama oshiya izikhala ezimbili phakathi kwemigqa, umbhalo ube secaleni elilodwa lephepha.
c Imibhalo efundeka ngokucacile ebhalwe ngomshini nengazange ishintshwe, njengamasheke nokunye okufanayo ngeke ibhalwe kabusha ngomshini, esikhundleni salokho, lapho kudingeka khona amakhophi, lawo makhophi ayogaywa emshinini aphume ecacile ephepheni elingu -A4.
d Amakhasi ayobhalwa ngokucacile ngezinombolo ezilandelanayo, umugqa ngamunye weshumi osekhasini uyoba nenomobolo kanti uhlelo olumile lwezinkantolo lokwaba izinombolo emakhasini luyolandelwa ngazo zonke izikhathi, uma kwenzeka.
e Imiqulu emikhulu iyocazwa yenziwe imiqulwana enamakhasi angu- 100 ngamunye. Umqulu uyoboshwa ngendlela ephephile efana nencwadi ukuze ukwazi ukumelana nesimo sokusetshenziswa izikhawu eziningi ngaphandle kokulimala, futhi uyoboshwa ngendlela evulekile nengawuphazamisi lapho usetshenziswa.
f Yonke imiqulu iyoboshwa, ivalwe ngendela egcina umbhalo uphephile ukhombe inombolo yodaba-mpikiswano, amagama amaqembu, inombolo yomqulu nesibalo samakhasi aqukethwe emqulwini, isibalo esiphelele semiqulu, inkantolo ethintekayo namagama abammeli bamaqembu.
g Indlela yokubopha imibhalo edingwa yilo mthetho kufanele iqine ngokwenele ngenhloso yokuphephisa amaphepha aqukethwe emqulwini; uma ubhalo unemiqulu engaphezulu kowodwa lolu lwazi luyovezwa engxenyeni ephezulu elinganiselwa esigamwini esisodwa kwezintathu zomqulu.
h Kwisimo lapho imiqulu yethulwe khona kuNobhala futhi leyo mibhalo iqoshwe yagcinwa esiqoqini-lwazi sedisiki yekhompuyutha, iqembu elethula lowo mbhalo liyozama ngakho konke okusemandleni ukunika uNobhala idisiki equkethe ifayela lapho kulondolozwe khona ulwazi noma ledlulise ngombiko osambani noma nge e -mail ngohlobo olunqunywe nguNobhala nehambisana naleyo esetshenziswa yikhompuyutha yeNkantolo nali ikheli le-e- meyili: registrar@concourt.org. : Kubalulekile ukuba ukwedluliswa kwaleyo khophi kungakhululi iqembu elithintekayo ezibophezelweni zalo ezinqunywe ngaphansi kwesigaba- 13 lapho edingeke khona ethule isibalo samakhophi esibekiwe sombhalo othulwa kuNobhala.
i Uma idisiki inikwa uNobhala, amakhophi aqukethwe embikweni ayogaywa bese lelo disiki liphindiselwa emuva eqenjini elithintekayo. Uma umbiko uhlinzekwe ngedisiki noma ngombiko ogcinwe ngesilondolozi-lwazi sekhompuyutha ngale kwalowo ongumqulu, iqembu kufanele lethule kuNobhala kuphela lawo makhophi angu- 13 aqondene.
b ukuba oziphendulelayo anike uNobhala impikiswano ebhaliwe ephedula impikiswano yommangali singakapheli isikhathi esinqunywe nguMphathimaJaji , lolu suku luyoba ngemuva kokwethulwa kwempikiswano yofake isimangalo kulowo muntu okufanele aziphendulele.
Ummangali angethula kuNobhala impikiswano ebhaliwe ngesikhathi ephendula oziphendulelayo zingakapheli izinsuku eziyi- 10 kusuka ngosuku ummangali ethule ngalo impikiswano yakhe kulowo okufanele aziphendulele ngodaba.
UmphathimaJaji angathatha isinqumo sokuthi isicelo sokwedlulisa isikhalo singadingidwa yini ngokubhekela kuphela impikiswano ebhaliwe.
Ngokuhlangabezana nemibandela yomtheshwana-5, UmphathimaJaji uyonquma usuku lokulalela impikiswano yomlomo kanti zingakapheli izinsuku ezinhlanu ngemuva kwesinqumo, Unobhala uyokwazisa wonke amaqembu athintekayo esikhalweni mayelana nosuku okuyolalelwa ngalo udaba, lokhu uyokwenza ngencwadi elejisitiwe yeposi noma ngesikhahlamezi.
b ophawulayo ukuthi zikhona yini izimo ezehlukile ezingadinga ukulalelwa okwevile osukwini olulodwa noma ezingahle zifune imiyalelo ehlukile yoMphathimaJaji.
Imithetho -17 no -18 yeMithetho Yokwedlulisa Izikhalo yaseNkantolo Ephakeme iyosebenza ihambisane nezinguquko ezifanele isimo.
Ngaphansi kwezimo zempikiswano yomlomo noma ebhaliwe, kungenzeka kube nemali eyengeziwe eqondene nempikiswano yomlomo. Le mali iyoba yingxenye eseceleni.
Ngaphezulu kwenkokhelo yeNkantolo enqunywe kule mithetho, inkokhelo ekuSheduli -2 iyoba yimali yenkantolo ekhokhwa ngezitembu ezithengwa eposini.
Imibandela yomthetho -44 nemibandela yomthetho- 55 iyosebenza ihambisane nezinguquko ezidingekile.
Umtapo wolwazi uyosetshenziswa ngamajaji, izisebenzi zenkantolo nabantu abathola imvume kamgcini-mtapo wolwazi ngesikhathi beqhuba umsebenzi wocwaningo ngomthethosisekelo.
Uma kukhona noma yimuphi umbiko noma umqulu othulwe kuNobhala oqukethe umbhalo osolimini olusemthethweni olungaqondwa ngamajaji onke, uNobhala uyonquma ukuba yonke leyo ngxenye yombiko noma yomqulu ethintekayo ukuba ihunyushwe ngumuntu ofungiswe phambi kweNkantolo Ephakeme njengomhumushi. Umhumushi uyoguqulela umbiko noma umqulu olimini noma ezilimini eziyoqondwa yilawo majaji bese enika amaqembu athintekayo amakhophi emibiko ehunyushiwe.
Izinhlelo zesakhiwo, imidwebo nemibukiso yemibiko eyingxenye yobufakazi obuthathwe esimangalweni neyethulwe phambi kweNkantolo ukuze iphenywe iyolondolozwa nguNobhala okungenani izinsuku eziyi- 10 ngaphambi kokulalelwa noma kokwethulwa kodaba.
Zonke izinhlelo zesakhiwo, imidwebo nemibukiso yemibiko elondolozwe nguNobhala iyokhishwa ngamaqembu zingakapheli izinsuku ezingama- 40 ngemuva kokukhishwa kwesinqumo ngesimangalo.
Uma kungenziwanga lokhu, uNobhala uyokwazisa iqembu elithintekayo ukuze lisuse yonke impahla elondoloziwe, uma zingasuswanga izimpahla kuze kuphele izinyanga eziyisithupha, uNobhala uyozilahla noma azicekele phansi ngendlela ayibona ifanele.
Noma yinini lapho kuqhubeka udaba, uma wonke amaqembu ethula kuNobhala isivumelwane esibhaliwe sokuhoxisa isimangalo, echaza khona isimo esifanele esiphathelene nenkokhelo yezindleko zikaNobhala noma uma UmphathimaJaji ekhipha umyalelo ovumayo, uNobhala angafaka leso sicelo sokuhoxisa udaba ukuze Inkantolo ingabe isaqhubeka nodaba.
Umbhalo noma umqulu ngamunye oweqe emakhasini ayi- 15 uyoqukatha uhlu lwezihloko ezingaphakathi nezinkomba ezifanele zalapho izihloko zitholakala khona emakhasini, akukhathalekile ukuthi iyiphi indlela yokugaya amaphepha esetshenzisiwe.
Esiphethweni sombhalo ngamunye kuyoba negama leqembu noma ummeli walo, ikheli lokuposa nelokuhlala, inombolo yesikhahlamezi nocingo kanye nekheli le e-mail uma likhona kanjalo nombhalo wangempela owasayinwa yiqembu noma ngummeli womuntu othintekayo.
a Unobhala ngeke emukele ngenhloso yokwethula enkantolo umqulu obhalwe ngohlobo olungahambisani nale mithetho kodwa uyophindisela emuva lowo mbhalo eqenjini eliphaphalazile lapho eyokhomba khona izici ezingalungile nezingalandelwanga kahle. Inqobo uma amaphepha noma amakhophi amasha alowo mbhalo ethulwe kabusha zingakapheli izinsuku ezinhlanu ngemuva kokuthola isaziso esibhaliwe, leso sicelo ngeke sithathwe njengeseqelwe yisikhathi.
b Uma Inkantolo ithola ukuthi akuhanjiswananga neminye yemibandela yalo mthetho, ingakhipha isinqumo noma isigwebo esifanele ngokuthanda kwayo.
Ukusebenza kwezigaba ezithile zoMthetho weNkantolo ePhakeme, we-1959 Umthetho No.
Lezi zigaba ezilandelayo zoMthetho weNkantolo ePhakeme, we-1959 (Umthetho No. 59 we- 1959) uyosebenza ngokuhambisana nezinguquko ezibalulekile lapho kuqhutshwa udaba olusezithebeni zeNkantolo, kube sengathi lezo zinguquko ziyimithetho yenkantolo uqobo.
Indlela yokudingida indlela yokuhlawula ikhomishini, izincwadi zezicelo nemibhalo yodaba oludabuka emazweni angaphandle. Lo mbandela uyosebenza ngemuva kokubuyekezwa kwamagama isiNgisi noma isiBhunu esikhundleni sawo kungene "noma yiluphi ulimi olusemthethweni".
Singakapheli isikhathi esivunywe yile mithetho ukuphendula leyo mibhalo, wonke amaqembu ayoba nelungelo lokwemukela, lokuphikisa, lokuphonsa imibuzo noma lokwenaba kabanzi ngalawo maqiniso ngendlela efanele ukuze iNkantolo ikwazi ukukhipha isinqumo esifanele.
angakhipha imiyalelo ethinta inqubo nokuphothulwa kwesicelo sokwedlulisa udaba, isicelo noma yiluphi olunye udaba iNkantolo noma UmphathimaJaji ayibona ilungile futhi iphuthuma.
Ukuthathwa kwesinqumo: Isigaba 3 soMthetho Osekelayo weNkantolo yoMthethosisekelo, we-1995 Umthetho No.
Izindleko zesinqumo ziyoba namandla esinqumo senkantolo kamantshi kuthi iqembu elithethwe yisimangalo lithathwe njengokweletwayo ngokwenqubo yecala kanjalo iqembu elidliwe yisimangalo lithathwe njengomuntu okweletayo ngokwesinqumo senkantolo.
Iqembu elivunwe yisinqumo sezindleko nalapho umgudu wokulandelela isinqumo sezindleko ungalandelwanga khona, siyothula kuNobhala umbiko ofungelwe ochaza imininingwane yesinqumo sezindleko nochazayo ukuthi isinqumo sezindleko asilandeliwe noma asilandelwanga ngokugcwele, kwehluke ngesimo ngasinye, isamba semali engakakhokhwa nokwenza isicelo kuNobhala sencwadi eqinisekisiwe yesinqumo salezo zindleko okukhulunywa ngazo.
Ngemuva kokuphenya ifayela lenkantolo eliqondene nangemuva kwesiqiniseko sokuqukethwe wumbiko ofungelwe, uNobhala uyonika iqembu elichazwe emtheshwaneni- 2 incwadi eqinisekisiwe yesinqumo sezindleko bese ebhala efayeleni laseNkantolo isenzo sokukhipha incwadi.
Iqembu eliphawulwe emtheshwaneni -2 liyonika umbiko ofanayo umabhalane wenkantolo kamaziphathe wesifunda lapho lihlala, liqhuba ibhizinisi noma liqashwe khona.
Leso sinqumo siyothathwa ngokuhambisana nemibandela yoMthetho weziNkantolo zeziMantshi, we-1944 Umthetho No. 32 we- 1944 neMithetho yeziNkantolo zeziMantshi eshicilelwe kwiSaziso sikaHulumeni R. 1108 somhlaka- 21 Nhlangulana 1968, ihambisana nezichibiyelo ezifanele maqondana nemvume yokudla amafa anyakazayo nalawo anganyakazi nokukhishwa kwezinqumo zokudonsa imali yesikweletu emholweni womuntu.
Uma kunesikhathi esinqunyelwe enye yezinhloso ngokulandisa kwale mithetho ngokunjalo leso sikhathi ebesiyoqala ukusebenza ngaphambi kokuqala kwale mithetho, leso sikhathi siyoqala ukusebenza kuphela ngosuku okuqala ngalo ukusebenza kwale mithetho.
Imithetho yeNkantolo yoMthethosisekelo eyashicilelwa esikhathini esiphambili iyosulwa ngosuku okwaqala ngalo ukusebenza le mithetho: Inqobo uma yonke imiyalelo ebhaliwe eqondene nenqubo okufanele ilandelwe ekunqumeni ingxabano noma udaba kwizimangalo esezithethiwe ziyohlala zingathintekile, ngaphandle uma umthetho wesulwe ngokubhaliwe nguMphathimaJaji.
Le mithetho yethulwa okokuqala ngesiNgisi yase ihunyushelwa kuzo zonke ezinye izilimi ezisemthethweni. Ngalesi sizathu, uma kukhona ukungqubuzana kwamagama, umbhalo wesiNgisi yiwona oyosetshenziswa.
Le mithetho iyobizwa ngeMithetho yeNkantolo yoMthethosisekelo, we- 2003.
ngokunjalo ubufakazi obufungelwe , obunanyathiselwe lapha buyosetshenziswa ekwesekeni isimmangalo.
Indawo ebhalwe kuyo, Ngomhlaka ... Enyangeni ka ... 20...
Siqonde kuNobhala weNkantolo eqagulwe ngenhla.
Qaphela ukuthi (obhalwe lapha njengommangali) uhlose ukufaka isicelo kuleNkantolo ngenhloso yokuthola isinqumo (a) ... (b) ... (c) ... (lapha uchaza uhlobo lwesinqumo esicelwayo) nokuthi ubufakazi obufungelwe obuyingxenye yalesi sicelo ... buyosetshenziswa ekwesekeni lesi sicelo.
Phinda uqaphele ukuthi uma ufuna ukuphikisa lesi sicelo, kufanele (a) wazise ngokubhaliwe ummeli kammangali ngalolu suku noma ngaphambi komhlaka (usuku), okwesibili (b) zingakapheli izinsuku ezingu 15, sewazisile ngenhloso yakho yokuphikisa isicelo, wethule yonke imibiko yakho efungelwe uma ikhona, kanjalo ngesikhathi esifanayo esazisweni kumele uqoke ikheli lapho uyokhipha noma wemukele khona isaziso nezinye izincwadi eziphathelene nodaba oluqhubekayo.
Uma singekho isaziso senhloso yokuphikisa esikhishiwe, ummangali uyocela uNobhala ethule udaba phambi koMphathimaJaji ukuze ludingidwe ngokulandisa komthetho- 11.
Indawo ebhalwe kuyo, ngomhlaka ...enyangeni ka ... 20...
